Праграма аб'яднання па інтарэсах "Народныя рамёствы"

Адукацыйная праграма «Народныя рамёствы»

                                               Узрост навучэнцаў: 10-15 гадоў
                                                       Тэрмін рэалізацыі праграмы: 2 гады

Тлумачальная запіска

         Адной     з   важнейшых       функцый     выхавання      з’яўляецца  адраджэнне  нацыянальнай самасвядомасці беларусаў. Без пачуцця гонару за свой народ, сваю  гісторыю   і   культуру   нельга   стаць   асобай.   Толькі   асэнсаванне  і   засваенне  нацыянальнай   культуры   адчыняе   дзверы   ў   сусветную.  Любоў   да   Радзімы   і  чалавецтва  не  можа  быць  абстрактнай.  Яна пачынаецца  са  свайго  дома,  вёскі,  двара, вуліцы. Гэта любоў да родных і павага да суседзяў. 

           На сучасным этапе механізм перадачы традыцый культуры на ўзроўні сям’і  амаль цалкам разбураны. Таму ролю носьбіта народных традыцый павінен узяць  на   сябе  падрыхтаваны      педагог,   які  вызначае    формы    і  метады    перадачы  культурных традыцый нашчадкам.

Вядучая  педагагічная  ідэя  праграмы  - “Народныя рамёствы”  –       стварэнне   адукацыйнай  прасторы,     якая   дасць   магчымасць,     выкарыстоўваючы       багаты    патэнцыял  беларускай     традыцыйнай     культуры,    навучыць     дзяцей   паважаць     і  цаніць  культурную спадчыну  продкаў,  а  таксама  стварыць  умовы  для  самаразвіцця  і  самарэалізацыі навучэнцаў.

    Дзейнасць  аб’яднання накіравана  на  гуманізацыю   адукацыйнага працэсу,  фарміраванне  маральных  асноў  асобы  дзіцяці,  яго  творчых  адносін  да    працы,  садзейнічае  развіццю  творчай  актыўнасці  вучняў,  іх  эстэтычнаму  ўспрыманню  рэчаіснасці.

      Працэс выхавання больш эфектыўны, калі педагог і вучань разам ствараюць  матэрыяльныя  і  культурныя  каштоўнасці,  здабываюць  веды  і навыкі  ў  працэсе  сатворчасці.

      Асноўны  змест  праграмы  складае  практычная  работа,  якая праводзіцца  на  кожным     занятку   пасля   тлумачэння    тэарэтычнага     матэрыялу.    Разам   з  тым,  праграмай прадугледжаны наведванні выстаў, удзел у абласных, рэспубліканскіх  конкурсах  і  фестывалях. Экскурсіі  ў  музеі,  выставачныя  залы,   сустрэчы    з  народнымі     майстрамі,   творчыя     пошукавыя     экспедыцыі   прадугледжваюць      далучэнне  навучэнцаў  да  культурнай  спадчыны  беларускага  народа і садзейнічаюць выхаванню патрыёта сваёй Радзімы. 

        Праграма «Народныя рамёствы» распрацавана на падставе тыпавой праграмы дадатковай адукацыі дзяцей і моладзі мастацкага профілю, пры распрацоўцы былі выкарыстаны матэрыялы праграмы «Ткацтва» Камінскай М. А., «Мастацтва рукадзелля» Макарэвіч І. В.

         Аснова праграмы – гэта зварот да культурнай і гістарычнай спадчыны, этнаграфічных каранёў, перадача сацыяльна-культурнага вопыту, патрыятычнае і маральнае выхаванне праз вывучэнне дэкаратыўна-прыкладных рамёстваў.

        Па мэтавым прызначэнні праграма з'яўляецца агульнакультурнай, паколькі яна забяспечвае рознабаковае развіцце вучняў і фарміраванне творчых і практычных ведаў, уменняў, навыкаў.

Праграма грунтуецца на наступных асноўных прынцыпах навучання і выхавання:

·     сістэматычнасць і паслядоўнасць;

·     свядомасць і актыўнасць;

·     даступнасць;

·     нагляднасць;

·     сувязь тэорыі з практыкай;

·     пераемнасць;

·     дыферэнцыяцыя;

·     гуманнасць.

Пры распрацоўцы праграмы былі выкарыстаны наступныя падыходы да арганізацыі вучэбна-выхаваўчага працэсу ў аб'яднанні:

·     асобасна-арыентаваны падыход;

·     дзейнасны падыход;

·     варыятыўна-праграмны падыход;

·     кампетэнтнасны падыход.

Асноўная мэта: развіцце творчых здольнасцей кожнага дзіцяці, фарміраванне нацыянальнай свядомасці падрастаючага пакалення.

Задачы:

Адукацыйныя:

·     пашыраць і паглыбляць веды аб дэкаратыўна-прыкладным мастацтве Беларусі, аб гісторыі нашай рэспублікі, звычаях і абрадах беларусаў;

·     пазнаёміць з разнастайнымі тэхналагічнымі прыёмамі;

·     пазнаеміць з відамі рукадзелля;

·     замацаваць веды аб матэрыялазнаўстве і працы са скурай, бісерам, тканінай і іншымі матэрыяламі;

·     навучыць самастойна распрацоўваць узоры і схемы;

·     навучыць дзяцей методыцы работы па творчых праектах.

Выхаваўчыя:

·   фарміраваць маральна-валявую матывацыю;

·   выхоўваць нацыянальную самасвядомасць і грамадзянскую пазіцыю гурткоўцаў, фарміраваць пачуццё любові да Радзімы і гонару за сваю краіну;

·   выхоўваць ініцыятыву, адказнасць, пастаяннае імкненне да новых ведаў, да выніковай дзейнасці;

·   выхоўваць пачуцце цэльнасці і гармоніі, фарміраваць мастацкую культуру;

·   выхоўваць культуру працы;

·   выхоўваць культуру зносін.

Развіваючыя:

·     развіваць творчыя здольнасці навучэнцаў;

·     развіваць эстэтычны густ у працэсе творчага засваення розных формаў дэкаратыўна-прыкладнога мастацтва;

·     развіваць творчыя здольнасці гурткоўцаў, стымуляваць самарэалізацыю дзяцей праз развіцце і фарміраванне мастацкага густу, праз магчымасць бачыць, ствараць і разумець прыгожае ў навакольным свеце.

Арганізацыйныя ўмовы рэалізацыі праграмы

      Праграма разлічана на два гады:

1 год навучання – 4 гадзіны ў тыдзень, 144 гадзіны ў год;

2 год навучання – 6 гадзін у тыдзень, 216 гадзін у год.

      Колькасць  навучэнцаў  у  групах  і  першага  года  навучання  – 12 чалавек,  другога года навучання – 8 чалавек.

      У аб’яднанні займаюцца вучні ад 10 да 15 гадоў.  

                      

Тэхналагічныя ўмовы рэалізацыі праграмы

         Вучэбны кабінет павінен быць абсталяваны ў адпаведнасці з санітарна-гігіенічнымі патрабаваннямі і патрабаваннямі пажарнай бяспекі. Абавязкова наяўнасць аптэчкі. Заняткі варта праводзіць у светлым, зручным, добра асветленым і праветраным памяшканні. Працоўныя месцы арганізаваны так, каб вучні сядзелі, не сціскаючы адзін аднаго. Акрамя працоўных сталоў у кабінеце неабходна мець шафы і кладоўкі для захавання інструментаў і матэрыялаў. Вялікае значэнне надаецца яго мастацкаму афармленню. З навучэнцамі павінен рэгулярна праводзіцца інструктаж па тэхніцы бяспекі, па правілах дарожнага руху, супраць пажарнай бяспекі.

Кадравае забеспячэнне

        Педагог, які працуе па гэтай праграме, павінен мець вышэйшую адукацыю, валодаць рознымі тэхнікамі дэкаратыўна-прыкладнога творчасці, вывучаць літаратуру па педагогіцы, псіхалогіі, народнай творчасці,  наведваць выставы, семінары, мець творчы падыход да арганізацыі і правядзенні заняткаў.

Матэрыяльна-тэхнічнае забеспячэнне

Інструменты:

·     швейныя машыны, авярлок, прасавальная дошка, прас;

·     вязальныя гаплікі і спіцы;

·     нажніцы;

·     пяльцы, іголкі, напарсткі, шпількі;

·     сантыметровая стужка;

·     чаўнакі;

·     шнуры і вяроўкі, тасьма;

·     паяльнік, шыла, пінцэт, дрот;

·     кусачкі, абцугі;

·     магнітафон.

Матэрыялы:

·     пенапласт, вата, паралон;

·     тканіна (баваўняная, сінтэтычная, шоўк, лен, мешкавіны і інш.);

·     канва, тканіна для вышывання;

·     ваціну, сінцепон;

·     пража, разнастайныя ніткі розных колераў і памераў (мулінэ, ірыс, ніткі катушечные і інш.);

·     канцтавары (фарбы, пэндзаль, аловак і калька, капіявальная папера, кардон і інш.);

·     клей ПВА, клей «Момант»;

·     рамкі, вазы, кошыкі, талеркі, кашпо для афармлення работ;

·     матэрыял для ўпрыгожвання і афармлення (стужкі, карункі, пер'е, ракавінкі, камяні і інш).

Для правядзення заняткаў павінны быць падрыхтаваны наглядныя дапаможнікі, ўзоры, дыдактычны, раздатачны і метадычны матэрыялы, міні-бібліятэка з літаратурай па профілю работы аб'яднання.

Вучэбна-тэматычны план першага года навучання

№ п/п	Тэма	Усяго гадзін	Тэорыя	Практыка
	Уступныя заняткі	2	2	–
1.	Знаёмства з культурай роднага краю	2	1	1
2.	Асновы колеравядзення, кампазіцыі, формаўтварэння	2	2	–
3.	Матэрыялазнаўства. Агульныя звесткі аб тканінах	2	1	1
4.	Віды ручных работ	2	1	1
5.	Выцінанка	12	4	8
6.	Вязанне кручком	12	4	8
7.	Вышыўка	20	8	12
8.	Саломка	10	4	6
9.	Выраб творчых работ	22	4	18
10.	Экскурсійна-даследчая работа	14	4	10
11.	Творчы праект	36	8	28
12.	Выставы, экскурсіі	6	1	5
	Заключныя заняткі	2	-	2
	УСЯГО	144	44	100

Змест праграмы

Уступныя заняткі

План работы аб'яднання. Абсталяванне кабінета, арганізацыя працоўнага месца. Правілы тэхнікі бяспекі. Літаратура. Арганізацыйныя пытанні. Абмен творчымі ідэямі.

Тэма 1. Знаёмства з культурай роднага краю

Культурныя традыцыі беларусаў: гістарычныя звесткі аб святах, абрадах. Традыцыйныя промыслы беларускага народа: вышыўка, роспіс, ткацтва.

Тэма 2. Асновы цветавядзення, кампазіцыі, формаўтварэння

Колеравядзенне як вобласць навукі. Каляровы круг. Халодныя і цёплыя колеры. Каляровы кантраст. Значэнне колеру ў працы. Асноўныя законы кампазіцыі. Дасягненне стылявога адзінства, выбар галоўнага кампазіцыйнага цэнтра, сіметрыя ў кампазіцыі, прапарцыянальнасць, маштабнасць. Знаёмства з паняццем «форма», з асноўнымі існуючымі ў прыродзе формамі (круг, прамавугольнік, трохвугольнік), з якіх зыходзіць чалавек пры стварэнні сваіх твораў.

Тэма 3. Матэрыялазнаўства. Агульныя звесткі аб тканінах

Віды валокнаў і іх паходжанне. Кароткія звесткі аб вытворчасці тканін. Віды тканін. Спосабы вызначэння складу тканін.
Практычная праца. Вызначэнне складу тканіны, знешняга і ўнутранага бакоў, асноўных і ўточных нітак. Вызначэнне віду тканіны па ўзорах.

Тэма 4. Віды ручных работ

Правілы выканання ручных работ. Правілы тэхнікі бяспекі пры рабоце з інструментамі і швейным абсталяваннем.

Практычная праца. Выкананне ўзораў швоў.

Тэма 5. Выцінанка

Знаёмства з выцінанкай, як адным з найпрыгажэйшых відаў дэкаратыўна-прыкладнога мастацтва. Гутарка аб розных відах выразання. Беларускі народны арнамент у выцінанцы. Сімволіка беларускага арнаменту, яго сэнс і значэнне ў культуры Беларусі. Выкарыстанне арнаменту ў жыцці чалавека.
Практычная праца. Сімвалы выразання з простых геаметрычных фігур. Замалёўка і стылізацыя арнаменту. Выразанне кампазіцыі.

Тэма 6. Вязанне кручком

Асноўныя элементы тэхнікі вязання кручком. Асноўныя прыёмы вязання кручком. Ажурнае вязанне, яго прымяненне. Чытанне схем ажурнага вязання.
Практычная работа. Выкананне вырабаў ажурным вязаннем. Магчымыя варыянты: сурвэткі (па крузе, з матываў), прыхватка, вазачка, каўнерык.

Тэма 7. Вышыўка

З гісторыі беларускай вышыўкі. Вышыўка на вопратцы. Інструменты і прыстасаванні для вышывання: ніткі, іголкі, напарстак, лінейка, нажніцы, тканіна для вышыўкі крыжом, скрыначка для рукадзелля. Павелічэнне і памяншэнне малюнка.

Практычная работа. Тэхналогія выканання свабодных швоў:
"наперад іголку", "радок", “за іголку", "сцябельчаты", "тамбурны".

Тэма 8. Саломка

Дэкаратыўныя і тэхнічныя ўласцівасці саломкі. Асаблівасці саломкі розных злакавых культур. Правілы і тэрміны нарыхтоўкі саломкі, спосабы і першасная апрацоўка. Адбор матэрыялу для аплікацыі. Першасная апрацоўка саломкі: ачыстка сцябла ад лісця, выразанне міжвузелля. Сартаванне па даўжыні, колеру і якасці. Паняцце аплікацыі. Віды аплікацыі: прадметная, сюжэтная, дэкаратыўная.

Практычная работа. Выраб нескладаных вырабаў у тэхніцы аплікацыі саломкай і саломапляцення. Выраб асновы і падрыхтоўка вырабы пад аплікацыю саломкай.

Тэма 9. Выраб творчых работ

Выбар тэмы. Падрыхтоўчая і асноўная праца. Вывучэнне метадычнай літаратуры. Прагляд гатовых вырабаў. Рэкамендацыі па падборы матэрыялу, тэхналогіі выканання.

Практычная работа. Пошук ідэі (тэмы працы, сюжэту). Замалёўка эскізаў. Выкананне творчай работы.

Тэма 10. Экскурсійна-даследчая работа

Экскурсіі  ў  дом  рамёстваў,  на  выстаўкі,   гісторыка-краязнаўчы музей. Знаёмства  з  творчасцю народных майстроў і лепшымі ўзорамі традыцыйнага мастацтва.

  Практычная работа. Выкананне     творчых    заданняў   па  вывучэнню     дэкаратыўна-прыкладнога  мастацтва.

Тэма 11. Творчы праект

Асновы праектнай дзейнасці. Выбар тэмы. Пастаноўка мэты і задач. Структура, асноўныя раздзелы. Правілы афармлення творчага праекта. Падрыхтоўка да абароны творчага праекта.

Практычная работа. Падрыхтоўка творчай работы. Прадстаўленне творчага праекта.

Тэма 12. Выставы, экскурсіі

Правядзенне экскурсій. Афармленне выставы работ, арганізацыя персанальных выстаў навучэнцаў.

Заключныя заняткі

        Падвядзенне вынікаў.

Вучэбна-тэматычны план другога года навучання

№ п/п	Тэма	Усяго гадзін	Тэорыя	Практыка
	Уступныя заняткі	2	2	–
1.	Выцінанка	18	-	18
2.	Вязанне кручком	18	12	18
3.	Вышыўка	30	-	24
4.	Саломка	14	10	18
5.	Выраб творчых работ	40	8	30
6.	Экскурсійна-даследчая работа	24	8	18
7.	Творчы праект	58	-	38
8.	Выставы, экскурсіі	10	-	10
	Заключныя заняткі	2	-	2
	УСЯГО	216	40	176

Змест праграмы

Уступныя заняткі

План работы аб'яднання. Абсталяванне кабінета, арганізацыя працоўнага месца. Правілы тэхнікі бяспекі. Арганізацыйныя пытанні. Абмен творчымі ідэямі.

Тэма 1. Выцінанка

Практычная праца. Выразанне кампазіцыі «Мая хата». Замалёўка свайго дома з натуры, яго стылізацыя. Пабудова кампазіцыі. Падбор сімвала і арнаменту. Выразанне і афармленне работы. Выразанне кампазіцыі «Дрэва жыцця».Стылізацыя дрэва. Выразанне і афармленне работы.

Тэма 2. Вязанне кручком

Асноўныя элементы ўзораў з цясьмы. Спосабы злучэння карункі ў ўзоры. Элементы гіпюрнага вязання. Тамбурнае вязанне. Яго прымяненне. Спосабы вязання тамбурнага.

Практычная работа. Выкананне вырабаў гіпюрным вязаннем. Магчымыя варыянты: аздабленне дзіцячай кофтачкі цясьмой і ўзорамі, каўнер, накідка, сурвэткі, навалачка для падушкі.

Тэма 3. Вышыўка

Практычная работа. Тэхналогія выканання падліковых швоў: "роспіс", "касічка", "падліковая гладзь", "крыж з гарызантальнымі шыўкамі на вывараце", "крыж з вертыкальнымі шыўкамі на выварат".

Тэма 4. Саломка

Віды і спосабы пляцення з саломкі: спіральнае, прамое, пляценне з плоскіх і аб'ёмных пляценак. Атрыманне навыкаў звязвання дэталяў. Падвясныя дэкаратыўныя канструкцыі. Выкарыстанне іншых матэрыялаў для ўпрыгожвання вырабаў. Цэласнасць выраба, яго знешні выгляд. Агульныя заканамернасці формаўтварэння прадметаў з саломы.

Практычная работа. Пляценне паўфабрыката (нарыхтоўкі) і выраб сувеніра. Зборка вырабы з асобных частак.

Тэма 5. Выраб творчых работ

Выбар тэмы. Падрыхтоўчая і асноўная праца. Вывучэнне метадычнай літаратуры. Прагляд гатовых вырабаў. Рэкамендацыі па падборы матэрыялу, тэхналогіі выканання.

Практычная работа. Пошук ідэі (тэмы працы, сюжэту). Замалеўка эскізаў. Выкананне творчай работы.

Тэма 6. Экскурсійна-даследчая работа

Наведванне музеяў, выстаў. Арганізацыя персанальных выстаў.

  Практычная работа. Правядзенне экскурсій. Выкананне     творчых    заданняў   па  вывучэнню     дэкаратыўна-прыкладнога  мастацтва.

Тэма 7. Творчы праект

Практычная работа. Падрыхтоўка творчай работы. Прадстаўленне творчага праекта.

Тэма 8. Выставы, экскурсіі

Правядзенне экскурсій. Афармленне выставы работ, арганізацыя персанальных выстаў навучэнцаў.

Заключныя заняткі

        Падвядзенне вынікаў.

Прагноз выніковасці

Па заканчэнні навучання вучні павінны

ведаць:

·        асновы матэрыялазнаўства і колеразнаўства;

·        асновы працы з саломкай, ніткамі, паперай, тканінай;

·        асноўныя віды дэкаратыўна-прыкладнога мастацтва, умець адрозніваць іх;

·        матэрыялы сучасных вырабаў дэкаратыўна-прыкладнога мастацтва;

·        этапы выканання творчых праектаў;

умець:

·        выконваць разнастайныя мастацкія творчыя працы з саломкі, тканіны, паперы і іншых матэрыялаў;

·        прымяняць на практыцы вядомыя тэхналогіі, працаваць з прыладай;

·        выконваць адзінства зместу і афармлення, бачыць кампазіцыю і каляровае рашэнне;

·        увасабляць свае ідэі, аналізаваць і ацэньваць дзейнасць калектыву.

Метадычныя ўмовы рэалізацыі праграмы

Навучальны працэс аб'яднання па інтарэсах заснаваны на выкарыстанні асобасна-арыентаванага падыходу: навучанне будуецца з улікам індывідуальных і ўзроставых асаблівасцяў навучэнцаў. Важнай умовай забеспячэння высокай выніковасці навучання і выхавання з'яўляецца прымяненне метадаў, якія спрыяюць павышэнню матывацыі навучэнцаў. Гэта стварэнне "сітуацыі поспеху», аптымістычнаць і пазітыўнасць ацэньвання, асобасная значнасць і захапляльнасць дзейнасці, магчымасць для кожнага навучэнца праявіць і рэалізаваць свае здольнасці. Для стварэння камфортнага мікраклімату выкарыстоўваюцца палілог і дыялог.

З мэтай фарміравання ў вучняў пэўных асобасных якасцяў выкарыстоўваюцца наступныя метады выхавання:

·        метад станоўчага прыкладу;

·        метад заахвочвання;

·        метад пераканання;

·        метад прывучвання;

·        метад кантролю.

Спецыфіка зместу праграмы прыдугледжвае, што асноўнай формай арганізацыі педагагічнага працэсу з'яўляецца практычны  занятак. На занятках  выкарыстоўваюцца прадуктыўныя метады арганізацыі дзейнасці навучэнцаў.

Тлумачэнне новага матэрыялу адбываецца на аснове наступных метадаў:

·        тлумачальна-ілюстрацыйнага;

·        інструктыўна-рэпрадуктыўнага;

·        праблемнага;

·        часткова-пошукавага;

·        даследчага.

Захаванне прынцыпу нагляднасці - адна з найважнейшых умоў эфектыўнасці заняткаў па дадзенай праграме. Практычнае азнаямленне з прыёмамі мастацкай апрацоўкі вырабаў падмацоўваецца дэманстрацыяй матэрыялу - твораў народнага мастацтва, лепшых узораў дзіцячых работ.

Праграма ўключае шмат самастойных заданняў для раскрыцця творчага патэнцыялу кожнага дзіцяці. У залежнасці ад ўзроставага складу і здольнасцяў дзяцей размяркоўваецца складанасць заданняў, але патрабаванні да якасці выконваемай працы для ўсіх аднолькавыя.

Для авалодання культурай дзелавога і сяброўскіх зносін з аднагодкамі, падтрымання духу калектывізму і таварыства, развіцця добрасумленнага стаўлення да грамадска карыснай працы, вучні выконваюць калектыўныя працы для афармлення кабінета, сувеніры на дабрачынныя мерапрыемствы, прымаюць удзел у кірмашах, фестывалях, конкурсах.

Абавязковай умовай рэалізацыі мэтавага прызначэння праграмы з'яўляецца дыягностыка асобаснага развіцця навучэнцаў. Для гэтага выкарыстоўваецца ўводны, бягучы і выніковы кантроль, які ажыццяўляецца пры дапамозе наступных метадаў:

·        назіранне;

·        гутарка;

·        анкетаванне;

·        тэставанне;

·        параўнанне і аналіз выкананых індывідуальных і групавых творчых заданняў.

З мэтай забеспячэння бяспечнай жыццядзейнасці вучняў і выхавання культуры здаровага ладу жыцця выкарыстоўваюцца здароўезберагальныя тэхналогіі:

·            медыка-гігіенічныя - захаванне тэмпературнага рэжыму, рэжыму ветрання;

·            экалагічныя - экскурсіі і экалагічныя сцежкі, экалагічныя конкурсы, гульні-падарожжы, гутаркі;

·            ахоўна-прафілактычныя - захаванне асноўных гігіенічных правілаў і нормаў да абсталявання, аснашчэнню навучальнага кабінета функцыянальнымі сталамі, лямпамі дзённага святла ў адпаведнасці з нарматыўнымі дакументамі;

·            кампенсатарна-нейтралізаваныя - эмацыйныя размінкі, аздараўленчыя паўзы, фізкультхвілінкі, гімнастыка для вачэй;

·            забеспячэнне бяспекі жыццядзейнасці - веданне інструктажу па тэхніцы бяспекі, пажарнай бяспекі.

Вынікі працы на працягу года падводзяцца на выніковым занятку. Формы правядзення выніковага занятка:

·        выстава работ, выкананых за год;

·        правядзенне экскурсіі для бацькоў і сяброў;

·        віктарына па тэарэтычных пытаннях;

·        калектыўнае творчая справа;

·        урачыстае падвядзенне вынікаў, узнагароджанне, салодкі стол.

Заняткі ў аб'яднанні па інтарэсах арганізуюць вольны час навучэнцаў, прывучаюць іх да цярпення, уседлівасці, фарміруюць цікавасць да розных відах дзейнасці. Групавая праца спрыяе выпрацоўцы правіл паводзін у калектыве, дае неабходны вопыт грамадскіх паводзін.

Формы і метады арганізацыі і правядзення заняткаў.

Славесныя метады навучання:

·        гутарка;

·        аналіз прадмета, прадстаўленага дзецям.

Наглядныя метады навучання:

·        паказ відэаматэрыялаў, ілюстрацый;

·        назіранне сапраўдных вырабаў народнага мастацтва, альбомаў, паштовак, табліц;

·        наведванне выстаў у раённым гісторыка-краязнаўчым музеі, раённым Доме рамёстваў;

·        наведванне выстаў дзіцячых работ па дэкаратыўна-прыкладным творчасці;

·        экскурсіі.

Практычныя метады навучання:

·        практычныя работы па выкананні вырабаў;

·        праца па ўзоры;

·        выкарыстанне сілуэтаў мадэлявання;

·        эксперыментаванне з рознымі мастацкімі матэрыяламі;

·        складанне казак, апавяданняў, гісторый пра свае працы;

·        удзел у фестывалях, конкурсах, выставах.

Усе прымяняемыя на занятках аб’яднання метады і формы арганізацыі вучэбна-выхаваўчага працэсу вядуць да фарміравання маральнай і творчай асобы, якая валодае шырокім кругаглядам, тэарэтычнымі ведамі, практычнымі ўменнямі і навыкамі. 

Літаратура, выкарыстоўваная педагогам

1. Сахута,  Е.М.  Художественные  ремесла  и  промыслы  Беларуси  /  Е.М.  Сахута, В.А. Говор. – Мінск, 1998.

2. Сахута, Я.М. Белорусское декоративно-прикладное искусство /Я.М.Сахута. – Мн.: «Беларусь», 1995.

3. Сахута, Я.М. Народнае мастацтва Беларусі / Я.М. Сахута. – Мінск, 1997.

      4.  Селивончик,   В.И.   Возрождение   ремесла   /    В.И.   Селивончик,   М.Н. Винникова. - Минск, 1993.

5. Лабачэўская,   В.А.   Зберагаючы   самабытнасць.   З   гісторыі   народнага  мастацтва і промыслаў Беларусі / В.А.Лабачэўская. – Мінск, 1994.

6. Луканский, Э.П. Первый шаг в творчество /Э.П.Луканский. – Мн.: «Полымя», 1985.

7. Максимова, М.В, Кузьмина, М.А. Незабытые ремесла /М.В.Максимова, М.А.Кузьмина. – Мн.: «Полымя», 1993.

8. Моисеенко, Ю.Е., Бичуковы Е.В. Волшебный стежок /Ю.Е.Моисеенко, Е.В.Бичуковы. – Мн.: «Полымя», 2000.

9. Фадзеева, В. Я. Беларускі ручнік / В. Я. Фадзеева – Мінск, 1994.

10.  Народныя мастацкiя рамёствы Беларусi / Уклад. Я.М. Сахута. – 2-е выд. – Мінск: Беларусь, 2001.– 168 с.: iл.

11. Техника рукоделия. Часть II / Минск, 1986.

12. Этнаграфія Беларусі. Энцыклапедыя. – Мінск, 1989.

13. http://www.belarus.by/

14. http://method.nchtdm.by/programmy/

  

Літаратура, рэкамендаваная навучэнцам

1. Дирвянскене, Я. Декоративное вязание /Я.Дирвянскене. – М.: «Культура и традиции», 1993.

2. Жабінская, М. П. Складзі ўзор сам / М. П. Жабінская. – Мінск, 1992.

3. Кацар,  М.С.  Беларускі  арнамент.  Ткацтва.  Вышыўка  /  М.С.  Кацар.  – Мінск,1996.

3. Максимова, М.В. Азбука вязания /М.В.Максимова. – Ташкент, «Мехнат», 1993.

4. Павловская, Л. Искусство вышивки /Л.Павловская. – «Прана», 1992.

5. Селівончык, В. І. Беларускія народныя паясы / В. І. Селівончык. – Мінск,  1989.

6. Терешкович, С.Ф. Забавные поделки крючком и спицами /С.Ф.Терешкович. – М.: «Просвещение», 1992.

7. Традыцыйная мастацкая культура беларусаў. Гродзенскае Панямонне. – Мінск, 2006.